Ақтөбеде полиция қызметкері жол апатына түсті
Тұманды күні патрульдік қызметке шыққан полицей жол апатына түсті. Ол аудандық ауруханада ем қабылдап жатыр.
Фото: zello_aktobe_official
08:10 16.03.2025
Оқиға 14 наурыз күні облыстық маңызы бар Дөң-Бадамша-Ақтөбе-Орск тасжолында болды. Патрульдік полиция қызметінің «Хюндай-Элантра» көлігі УАЗ автокөлігімен соқтығысты.
- Тұманды күні жол қауіпсіздігін қамтамасыз ету үшін патрульге шыққан. Сол кезде жол апатына ұшырап, жарақат алды, ауруханаға түсті. Қазір осы оқиғаға қатысты тексеру жүріп жатыр,- деп хабарлады Ақтөбе облыстық Полиция департаментінің баспасөз қызметі.
Ақтөбе облыстық денсаулық сақтау басқармасы баспасөз қызметінің хабарлауынша, науқас Қарғалы аудандық ауруханасында жатыр. Жағдайы орташа ауыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
