Олар кезінде хит әндерді шырқап, халықтың ыстық ықыласына бөленді, сауық-кештерге сұраныс артып, ауқымды аудиторияның алдында өнер көрсететін. Қаламақысы бума-бума ақша, концерттен кейін қаумалаған жұрт қолтаңба алу үшін кезекке тұратын. Ал қазір ше? Өкінішке орай, бүгінде бәрі басқаша. Бұрын сүйіп тыңдайтын сол әншілердің бірі сахнадан шеттетіліп, екіншісі жаман әдеттерге әуестеніп, ал кейбірі өнер емес, бизнеске бет бұрып кеткен. Олар кім дейсіздер ғой? Тағдыр жолы түрлі арнаға бұрылып, өмірдің сан-соқпағынан өткен 2000 жылдардағы атақты әншілердің қазіргі жағдайы мен тұрмыс тілшілігіне бұл жолы рет-ретімен тоқталамыз.