Синоптиктер республиканың 18 облысында ауа райына байланысты ескерту жариялады.

«Қазгидромет» РМК мәліметі бойынша, 19 қыркүйек күні түнде Астанада топырақ бетінде 1 градус үсік жүреді.

Шымкентте кей жерлерде найзағай ойнайды. Оңтүстік-батыстан соғатын жел екпіні 15-20 м/с. Төтенше өрт қаупі сақталады.

Түнде және таңертең солтүстікте, Абай облысының орталығында тұман түседі. Солтүстік-шығыстан жел соғады, күндіз облыстың оңтүстік-батысында 15-18 м/с. Түнде 1-6 градус суық болады. Облыстың оңтүстігінде аса жоғары өрт қаупі сақталады.

Ақмола облысының солтүстігі мен шығысында түнде және таңертең тұман күтіледі. Түнде облыстың солтүстігі мен шығысында екі градус суық болады.

Ақтөбе облысының басым бөлігінде, оңтүстік пен батыста жоғары өрт қаупі сақталады.

Оңтүстікте, Алматы облысының таулы аудандарында солтүстік-шығыстан, шығыстан соғатын желдің екпіні 15-20 м/с жетеді. Облыстың солтүстігі мен батысында жоғары өрт қаупі сақталады.

Атырау облысының басым бөлігінде жоғары өрт қаупі сақталады.

Шығыс Қазақстан облысының солтүстігі мен шығысында түнде және таңертең тұман түседі. Түнде аймақта 1-6 градусқа дейін суытады. Батыста, оңтүстікте және облыс орталығында жоғары өрт қаупі сақталады.

Жетісу облысында солтүстік-шығыстан жел соғады, Алакөл көлі аймағында екпіні 15-20, күндіз кей жерлерде 23 м/с күшейеді.

Батыс Қазақстан облысында облыстың солтүстігі мен солтүстік-шығысында, облыстың басым бөлігінде жоғары өрт қаупі сақталады.

Қарағанды облысының шығысында екі градус суық болады. Облыстың басым бөлігінде, шығысында және батысында жоғары өрт қаупі сақталады.

Қостанай облысының батысында және солтүстігінде түнде және таңертең тұман түседі. Солтүстік-шығыстан, шығыстан жел соғады, күндіз облыстың оңтүстігінде екпіні 15-20 м/с. Түнде облыстың батысы мен солтүстігінде екі градус суық болады. Облыстың оңтүстігінде жоғары өрт қаупі сақталады.

Қызылорда облысының солтүстігінде, батысында және орталығында найзағай ойнайды. Солтүстік-шығыстан оңтүстік-батысқа ауысатын жел екпіні 15-20 м/с. Облыстың басым бөлігінде жоғары өрт қаупі сақталады, облыстың солтүстік-шығысында және солтүстік-батысында жоғары өрт қаупі сақталады.

Маңғыстау облысында жоғары өрт қаупі сақталады.

Түнде Павлодар облысының батысында және солтүстігінде тұман түседі. Түнде облыстың солтүстігі мен оңтүстігінде үш градус суық болады.

Солтүстік Қазақстан облысының батысында, солтүстігінде, шығысында түнде және таңертең тұман түседі. Түнде облыстың солтүстігі мен шығысында екі градус суық болады.

Оңтүстікте, Түркістан облысының таулы және тау бөктеріндегі аудандарында найзағай ойнайды. Оңтүстік-батыстан, оңтүстікте, облыстың таулы және тау бөктеріндегі аудандарында 15-20 м/с жел соғады. Аймақтың басым бөлігінде төтенше өрт қаупі сақталады.

Ұлытау облысында шығыстан жел соғады, солтүстікте, оңтүстікте, облыс орталығында екпіні 15-20 м/с жетеді. Облыстың басым бөлігінде, солтүстігінде және оңтүстігінде жоғары өрт қаупі сақталады.