Қытайдың орталығында мың тоннаға жуық алтын қоры бар жоғары сапалы алтын кеніші табылды. Сарапшылар оның құнын 83 млрд доллардан асады, деп болжауда. Бұл туралы Bild Telegram-каналы мәлімдеді.

Сарапшылардың бұл бағалауы табылған кенді әлемдегі ең үлкен және ең құнды деп атауға мүмкіндік береді, деп жазады ScienceAlert порталы.

– Кен орындары бұрыннан белгілі Вангу кенішінің астынан табылған. Бұрғылау және 3D модельдеуді қолдана отырып, Хунань геологиялық қызметінің зерттеушілері тереңірек орналасқан бұрын танылмаған кен орындарын анықтады. 2000 метр тереңдіктен тамырдай тараған 40-тан астам алтын іздері анықталды, ал қазір 3000 метр тереңдікте одан да ірі кен орындары анықталды, – делінген хабарламада.

Алдын ала мәліметтер бойынша, алтынның концентрациясы бір тонна кенде 138 грамға жетеді, бұл жоғары көрсеткіш болып саналады. Егер бұл деректер расталса, жаңа олжа қазіргі рекордшы – Оңтүстік Африкадағы 930 тоннаға жуық бағалы металды қамтитын South Deep шахтасын басып озады.

Дереккөз: kazinform