Түнде Қызылорда қаласы Батырбаев көшесі бойындағы бес қабатты тұрғын үйдің бірінші қабаттағы пәтерінде тұрмыстық заттар өртенді, деп хабарлайды ҚР Төтенше жағдайлар министрлігінің баспасөз қызметі.

ТЖМ күштері 40 адамды, оның ішінде 13 баланы, автосатының көмегімен тағы 3 бала эвакуациялады.

- Медицина және апаттар орталығының қызметкерлері және жедел жәрдем бригадасы тұрғындарға көмек көрсетті. Өрт толығымен сөндірілді. Зардап шеккендер жоқ – делінген хабарламада.

Сондай-ақ түнде Аягөз қаласынды Қабанбай көшесі бойында тұрған трансформатор өртенді.

- Ауа-механикалық көбікті қолданған өрт сөндірушілердің кәсіби әрекеттерінің арқасында өрттің таралуына жол берілмей толығымен сөндірілді. Зардап шеккендер жоқ – делінген таратылған ақпаратта.
Ал Алматыда Талант көшесі бойында жеке тұрған ғимаратта 16 шаршы метр алаңын өрт алып, өрт сөндірушілер өрттен бір газ баллонын қауіпсіз аймаққа шығарып жарылыстың алдын алды. Өрт толығымен сөндірілді. Зардап шеккендер жоқ.

Дереккөз: kazinform