Петропавлда мерекелік демалыс күндері «102» арнасына 1800-ден астам қоңырау түсті, деп хабарлайды Polisia.kz.

Петропавлда өткен мерекелік демалыстарды полицейлер тыныш деп бағалады. Дегенмен мереке күндеріне тән оқиғалар болды.

31 желтоқсаннан 4 қаңтарға дейін тыныштықты бұзу бойынша 31 шақырту тіркелді. Сонымен қатар тәртіп сақшылары отбасылық жанжалдар мен тәртіпсіздіктерге қатысты 62 қоңырауға жауап берді.

Жалпы, бес күн ішінде «102» жедел арнасына 1 880 қоңырау түсті. Мүлікті ұрлаудың 7 және алаяқтықтың 7 фактісі тіркелді. Петропавл қалалық полиция басқармасының жедел басқару орталығының бейнебақылау инспекторлары күшейтілген режимде жұмыс істеді. Олар мереке күндері 181 әкімшілік құқық бұзушылықты анықтады, оның ішінде 124 дерек – жол қозғалысы ережелерін бұзу.

Дереккөз: kazinform