Жамбыл облысында автокөлік тасымалдайтын техника өртеніп кетті. Төтенше оқиға Жуалы ауданы маңындағы Алматы-Ташкент республикалық маңызы бар күре жолдың бойында болған.

Қытайда шығарылған сегіз көлікті Ресейге апара жатқан жүк көлігі отқа оранып, қызыл жалын ауыр техниканың тіркемесіне дейін шарпыған. Оқиға орнына жедел жеткен төтенше жағдайлар қызметі өртті сөндіріп, автовоздағы бірнеше жеңіл көлікті шығарып алған. Абырой болғанда адамдар дін аман. Қазір өрттің шығу себебі анықталып жытыр.

Берік Каипов, Жуалы ауданы №7 өрт сөндіру бөлімі бастығының орынбасары: 

— Хабар түсісімен, оқиға орнына Жуалы ауданы жетінші өрт сөндіру бөлімінің екі бірдей автокөлігі, құрамында алты адам оқиға орнына жөнелтіледі. Өрттен жеңіл автокөлікті тасымалдаушы «Ман» автокөлігінің оң жақ төрт дөңгелегі толық жойылады.