Оралда екі адамның өліміне қатысы бар деген күдікті 25 жылдан кейін ұсталды. Ширек ғасыр бойы «жабулы қазан» күйінде қалған қылмыстық іс бойынша күдіктімен бірге, кісі өлтіруге тапсырыс берген адам да анықталды. 

Криминалдық полиция департаментінің мамандары бұған дейін анық дәлел болмай, қылмысты ашу ұзақ уақытқа созылғанын айтады. Олар сол кездегі оқиғалар тізбегін қалпына келтіріп, жаңа айғақтар тапқан. Алдын ала сөз байласып, екі адамның өмірін қиған, қылмыстық іске қатысты қайта тергеу басталды. Олардың бұндай қадамға баруына қомақты қаражат түрткі болған көрінеді.

Қанат Нұрмағамбетов, ҚР ІІМ Криминалдық полиция департаментінің бастығы:

 — Екі күдікті, яғни тапсырыс беруші мен орындаушы ұсталды. Қайғылы оқиғада екі тұрғынды атып кеткен. Тергеу жүріп жатыр.