Бензин тапшылығы үшін жұмыстан босатылған Әсет Мағауов жаңа қызметке тағайындалды

Естеріңізге сала кетсек, 10 қазанда  Үкімет отырысында ҚР премьер-министрі Бақытжан Сағынтаев елдегі бензин тапшылығына қатысты Энергетика министрлігі басшысынан, және жауапты тұлғалардан түсініктеме алып, тікелей еңбек міндеттерін орындаудан жалтаруға қатысты бірнеше шешім қабылдаған. Соның ішінде ҚР Энергетика вице-министрі Әсет Мағауовты қызметінен шығарды. Кейінірек ҚР Үкіметінің қаулысымен Мағауов Әсет Маратұлы вице-министр қызметінен босатылған болатын.

Асет Мағауов 1994 жылы И.М.Губкин атындағы Мәскеу мұнай, химия және газ өнеркәсібі институтын тәмамдап, Халықаралық валюта қоры және Азия даму банкінде тәжірибеден өткен;
1994-1998 жылы - «Теңізмұнайгаз» АҚ жоспарлау-экономикалық талдау бөлімі меңгерушісінің орынбасары, экономисі болды;
1998-2001 жылдары - ҚР Энергетика, индустрия және сауда министрлігінде қызмет істеді;
2001 – «Қазақойл» ЖАҚ Теңіз жобасы департаментінің бас менеджері болды, 2001 ж. - «Мұнай және газ тасымалдау» ҰК сервистік жобалар департаменті директорының орынбасары қызметін атқарды;
2002-2004 жж. - «ҚазМұнайГаз» ҰК АҚ ТШО-дағы үлесті басқарушы департаменті директорының орынбасары, директоры болды;
2004-2006 жж. - «Теңізшевройл» ЖШС бас директорының орынбасары;
2006-2008 ж.ж. - «ҚазМұнайГаз ҰК» АҚ үлесін басқару жөніндегі басқарушы директоры қызметін атқарды;
2008-2010 жж. - ҚР Энергетика және минералдық ресурстар вице-министрі;
2010-2011 жылдары ҚР Мұнай және газ вице-министрі;
2011-2012 жж. - «Маңғыстаумұнайгаз» АҚ бас директоры;
 2012-2016 жж. - KAZENERGY Қауымдастығының бас директоры;
2016-2017 жж. - ҚР Энергетика вице-министрі.
2017 жылдың 4 желтоқсанынан - KAZENERGY Қауымдастығының бас директоры.

Смотрите нас в YouTube! Читайте в Facebook, Instagram и Telegram!