Елімізге туристерді көптеп тарту қолға алынды
Туристік сала мамандарына әдістемелік қолдау көрсету мақсатында тұрақты түрде әлеуетті нарықтарды зерттеу мен жаһандық трендтерге талдау жасалатын болды, - деді «Kazakh Tourism» ҰК» АҚ басқарма төрағасы Рашид Күзембаев.
16:50 07.12.2017
Айта кетсек, бүгін Астанада «Қазақстандық туристік өнімді қалыптастыру және дамыту мәселелер» конференциясы өтіп жатыр.
Рашид Күзембаевтың айтуынша, еліміздің көрікті жерлері мен киелі орындарына туристерді көптеп тарту мақсатында е-туризм тақырыптық порталы құрылады. «Еліміздің туристік саласын цифрландыру басты мақсатымыз. Басты жоба - ақпаратқа оңай қол жеткізу, онлайн-тіркеу, кері байланыс, туристік қызмет сапасына мониторинг жасау, басты статдерек алуға бірыңғай жүйе қажет. Ол бизнес пен мемлекетке де пайдалы. Біздің е-туризм порталы мен мобильді қосымша еліміздің табиғаты керемет өңірлері мен қасиетті жерлеріне турист тартуға пайдасын тигізеді», - деді Рашид Күзембаев.
«Kazakh Tourism» ҰК» АҚ басқарма төрағасы мынадай дерек ұсынды:
Туристік сала соңғы онжылдықта қарқынды дамып, экономикада жылдам өсіп келе жатқан сектордың біріне айналған. Қазір туризм әлемдік экспорт пен әлемдік ЖІӨ-нің 10 пайызын құрап, әлемнің әрбір оныншы жұмыс орны туризм саласында пайда болады екен.
Смотрите нас в YouTube! Читайте в Facebook, Instagram и Telegram!
