Қаскелеңде жастары 11 мен 15-ке толған жасөспірімдер мектепке бара алмай жүр. Өмірінде бір де бір рет партаға отырмаған олар сабаққа баруды армандайды. Балалардың әпкесі бірнеше рет өздігінен мектепке алуын өтінгенімен білім ордалары маңайлатпаған. Себебі неде? 21-ші ғасырда мүшелден асқан жасөспірімдер неге әліппенің бетін ашпады? «Дау-дамайсыз» бағдарламасының тілшісі Гүлмира Әбіқай мәселеге араласып, дауды дамайсыз шешуге тырысты.

Бағдарламаға қатысушылар: Гүлмира Әбіқай, журналист; Кәмила Рахманова, Рамазан мен Жансаяның әпкесі; Айгүл Әтибекова, Алматы облыстық көші-қон қызметінің аға инспекторы; Рамазан Рахманов; Жансая Рахманова; Жарқын Нұрғалымов, Қарасай аудандық білім бөлімінің басшысы; Айнұр Жақыбаева, Қарасай аудандық қамқоршылық-қорғаншылық бөлімінің бас маманы; Асқар Мұқашев, Қаскелең қаласының әкімі; Зарыққан Сатыбалдинова, Қарасай аудандық ауруханасы бас дәрігердің міндетін атқарушы; Ләззат Өтегенова, Қарасай ауданының бас педиатры; Серікбай Рахманов, балалардың әкесі.