Жамбыл облысының  Шайқорық ауылында 37 жастағы Сәуле Еркінбекова былтыр қазан айында кенеттен қайтыс болады. Келіншектің ата-анасы қызының үш баласын күйеу баласының тәрбиелегеніне қарсылық білдіріп, Балалар үйіне өткізуді талап етіп, редакцияға шағымданады. Сәуле -Жарқынбектің  екінші әйелі. Ауылда мал бағады. Ол үш перзентін Балалар үйіне, нағашы жұртына беруге келіспейді. Өзінің бала бағуға мүмкіндігі жоқ. Ауылдық,аудандық әкімдік қызметкерлері мәселені дау-дамайсыз шешуге тырысқанымен балаларға таласқан екі жақ ортақ мәмлеге келмейді. КТК телеарнасының  «Дау-дамайсыз» бағдарламасының журналисі  Жазира Бегалы 7 айға созылған айтыс-тартысты шешуге тырысты.

Бағдарламаға қатысушылар: Жазира Бегалы, журналист; Бердалы Еркінбеков, Шөлдала ауылының тұрғыны; Күлбакира Алтынбекова, Шөлдала ауылының тұрғыны; Жарқынбек Жалмелдинов, Шайқорық ауылының тұрғыны; Бақыт Қазанбасов, Жамбыл ауданының әкімі; Жалғас Мұртаза, Жамбыл ауданы әкімінің орынбасары; Үміткен Найманова Жамбыл, ауданы әкімінің орынбасары; Бақыт Садырбаев, Жамбыл ауылдық округінің әкімі; Асылхан Едресұлы, заңгер; Динара Қасымова, Жамбыл аудандық білім бөлімінің әлеуметтік сектор  меңгерушісі; Күлшағира Әбдікова, Жамбыл ауылдық амбулаториясының аға дәрігері; Ернар Тазабеков, Жамбыл ауылдық жергілікті полиция қызметінің инспекторы.