Біздің редакциямызға сәуірде Алматы облысы, Кеген ауданындағы Көлсай ауылынан Ғалия Әбдімұратова хабарласты. 54 жастағы әйелдің туу туралы куәлігі, жеке куәлігі, тіпті мектептен алған аттестаты да жоқ. Қарақалпақстанда туған кейіпкеріміздің мәселесі дау-дамайсыз шешу үшін Жазира Бегалы Көлсай ауылына аттанған еді. Ғалия Әбдімұратова өзінің қай елдің азаматы екенін білмейді. Өйткені кейіпкердің айтуынша 1980 жылдары Қазақстанға отбасы қоныс аударғанда қызыл паспорты болған. 33 жыл бойы құжатсыз жүрген әйелдің түйіткілін шешу үшін түсіру тобы Алматы облысының Іле,Кеген аудандарының полиция басқармасына жүгінді, мұрағаттарды анықтады. Бағдарлама араласқаннан кейін Ғалия Қазақстанның азаматы атанып, жеке куәлік алды. Өз аяғымен халыққа қызмет көрсету орталығына келген науқасты емханаға тіркелу, медициналық әлеуметтік сақтандыру қорына ақша төлеу секілді кедергілер әбден тентіретті. 6 ай бойы ол жұмыссыз және ақша таппады. Аяғындағы дерті асқынып, бір аяғынан айырылды. Нәтижесінде Дау-дамайсыз бағдарламасы араласқанан кейін науқастын денсаулығына байланысты мәселелерді Еңбекшіқазақ аудандық орталық аурухана басшылары бақылауға алып, мүгедектікке қатысты түйіткілін шешуге кірісті. Сонымен қатар Дау-дамайсыз бағдарламасының авторы Жазира Бегалы әлеуметтік желілер арқылы жүру мүмкіндігі шектелген Ғалияға мүгедектерге арналған арбаны сыйға берді. 6 айға созылған құжатсыз Ғалияның мәселесі «Дау-дамайсыз» шешілді.