Петропавлда жеңіл көлік жүргізушісі абайсызда көшеде жөндеу жұмысын жүргізу үшін қазған шұңқырға түсіп кетті. Зардап шеккендер жоқ.

Оқиға бүгін Петропавл қаласындағы Жұмабаев пен Ульянов көшелерінің қиылысында болған. Апаттың бейнежазбасы әлеуметтік желіде тарады. Роликтен көліктің тұмсығымен жерге қадалғанын көруге болады. 

Солтүстік Қазақстан облысы полиция департаменті баспасөз қызметінің мәліметінше, шұңқырға «Subaru» автокөлігі құлап кеткен. Жол-көлік оқиғасынан ешкім зардап шекпеді.

— Жол-көлік оқиғасы бойынша әкімшілік материал жиналып жатыр, кейін процестік шешім қабылдау үшін Петропавл қаласының әкімшілік құқық бұзушылықтар жөніндегі мамандандырылған сотына жіберіледі, — делінген баспасөз хабарламасында.

Дереккөз: kazinform