Солтүстік Қазақстан облысында синтетикалық есірткіні таратқаны үшін 24 жастағы келіншек сотталды.

СҚО полиция департаменті баспасөз қызметінің мәліметінше, Петропавл тұрғыны синтетикалық есірткімен өткен жылдың жазында ұсталған. Тінту кезінде одан тарату үшін дайындалған 20,95 грамм α-PVP және 23,71 грамм «мефедрон» тәркіленді. Тергеу барысында келіншектің есірткіні қаланың шетіндегі орман ішіне жасырылған жерден алып кеткені анықталды.

Жалпы салмағы 0,17 грамм болатын α-PVP есірткісі салынған фольгамен оралған тағы 3 түйіншек оның қолсөмкесінен табылды. Аса ірі мөлшерге жататын есірткіні ол өзі пайдаланбақ болған.

Ұсталған келіншек бұған дейін 20 жасында есірткіні өткізу мақсатынсыз сақтағаны үшін сотталып, жазасын өтеді. Сот оның іс-әрекетінде қауіпті рецидивті байқап, 11 жылға бас бостандығынан айыру жазасын тағайындады.

Өткен жылы полицейлер СҚО-да есірткі сатудың 132 фактісін анықтады. Заңсыз айналымнан 8 келіден астам синтетикалық психотроптық заттар тәркіленіп алынды.

Дереккөз: kazinform