Қазгидромет ауа райына байланысты еліміздің бірқатар өңірінде дауылды ескерту жариялады.

Синоптиктердің болжамы бойынша, 25 қаңтарда түнде және таңертең Жетісу облысының шығысында, таулы аудандарында тұман болады. Облыстың шығысында солтүстік-шығыстан жел соғады, екпіні 15-20 м/с, кей уақыттарда 23-28 м/с дейін жетеді. Түнде 25-28 градус қатты аяз болады. Талдықорғанда түнде 26-28 градус қатты аяз болады.

Алматыда 24-26 қаңтар аралығында Бұтақ өзені – Бұтақ ауылы гидрологиялық бекетінде мұздық құбылыстарға байланысты су деңгейінің күрт көтерілуі байқалады. Бұтақ өзені – Бұтақ ауылы ГБ су деңгейі 280 см болды. Су деңгейі одан әрі көтерілуі мүмкін. Қауіпті су деңгейі - 287 см.

Түркістан облысының солтүстігінде, таулы аудандарында жаяу бұрқасын жүреді. Облыстың батысында, оңтүстігінде, таулы және тау бөктерлі аудандарында тұман болады. Облыстың солтүстігінде, таулы аудандарында шығыстан жел соғады, екпіні - 15-20 м/с.

Түнде Атырау облысының батысында тұман түседі.

Түнде және таңертең Алматы облысының батысында, оңтүстігінде кей уақытта тұман түседі. Облыстың солтүстігінде, шығысында шығыстан, оңтүстік-шығыстан жел соғады, екпіні - 18-23 м/с. Түнде облыстың солтүстігінде, таулы аудандарында 23-28 градус қатты аяз болады. Алматыда түнде және таңертең тұман болады. Қонаевта оңтүстік-шығыстан жел соғады, екпіні - 18-23 м/с.

Ақмола облысының солтүстігінде, шығысында оңтүстіктен, оңтүстік-батыстан жел соғады, екпіні 15-20 м/с.

25 қаңтарда тәулік бойы Мұғалжар ауданында жаяу бұрқасын жүреді. Оңтүстік-шығыстан соққан желдің екпіні 15-20 м/с, кей уақыттарда 23 м/с дейін жетеді.

Жамбыл облысының солтүстігінде, оңтүстігінде, таулы аудандарында тұман түседі. Облыстың оңтүстік-батысында, солтүстік-шығысында таулы аудандарында солтүстік-шығыстан солтүстік-батысқа ойыса соққан желдің екпіні 15-20 м/с, тәулік бойы 25 м/с, түнде 26 қаңтарда 23-28 м/с болады деп болжанады.

Таразда 25-27 қаңтарда кей уақыттарда тұман болады.

Солтүстік Қазақстан облысында оңтүстік-батыстан жел соғады, түнде екпіні 15-20 м/с болады. Күндіз облыстың солтүстігінде соққан желдің екпіні 15-20 м/с болады. Петропавлда да оңтүстік-батыстан жел соғады, екпіні - 15-20 м/с.

Қостанай облысының оңтүстігінде тұман түседі. Оңтүстіктен соққан желдің облыстың солтүстігіндегі екпіні - 15-20 м/с.

Абай облысының шығысында, оңтүстігінде тұман болады. Облыстың солтүстігінде, орталығында оңтүстік-шығыстан жел соғады, екпіні - 15-20 м/с.

Шығыс Қазақстан облысының солтүстігінде, шығысында тұман түседі. Күндіз облыстың оңтүстік-шығысында шығыстан, оңтүстік-шығыстан жел соғады, екпіні - 15-20 м/с. Түнде облыстың солтүстігінде, шығысында 40 градус қатты аяз болады.

Маңғыстау облысының батысында, оңтүстігінде көктайғақ болады. Облыстың батысында, солтүстігінде тұман түседі. Облыстың шығысында, орталығында оңтүстік-шығыстан соққан желдің екпіні 15-20 м/с болады.

Ақтауда түнде және таңертең тұман болады.

Қызылорда облысының орталығында, шығысында шығыстан соққан желдің екпіні 15-20 м/с болады.

Ұлытау облысының батысында, солтүстігінде, оңтүстігінде шығыстан, оңтүстік-шығыстан жел соғады, екпіні - 15-20 м/с.