«Әділетті Қазақстан» тұжырымдамасын іске асыру аясында Шымкент қалалық прокуратурасы пробация есебінде тұрғандарды тексеру бойынша мобильдік топ құрды, деп жазады kazinform.

Ведомство мәліметінше, тексеру барысында мобильдік топпен сотталғандардың сот шешімдері мен үкімдері негізінде қойылған шектеулерді орындамау бойынша 258 заң бұзушылық анықталды.

— Тексеру қорытындысымен 192 сотталған әкімшілік жауаптылыққа тартылды, 138 сотталғандардың жазасы бас бостандығынан айыру жазасына ауыстырылды. Қалалық прокуратура қайталанатын қылмыстардың алдын алу үшін профилактикалық жұмыстарды тұрақты түрде жүргізуде, — делінген Шымкент қаласы прокуратурасы таратқан ақпаратта.