Акцияларының 50%-дан астамы мемлекетке тиесілі мемлекеттік кәсіпорындар, заңды тұлғалар және олармен үлестес тұлғалар жүзеге асыратын қызмет түрлерінің тізбесіне толықтыру енгізілетін Үкіметтің қаулысы дайындалды, деп хабарлайды Zakon.kz.

Атап айтқанда, радиохабарлары бар компаниялардың қатарына "Қазақстан Республикасы Президенті Іс Басқармасының" Қазақстан Республикасы Президентінің телерадиокешені " шаруашылық жүргізу құқығындағы республикалық мемлекеттік кәсіпорны қосылды.

Ведомство түсіндіргендей, жобаны қабылдау мақсаты Мемлекет басшысының, Парламенттің, Үкіметтің қызметі және бастамалар мен стратегиялық мемлекеттік бағдарламалардың іске асырылу барысы туралы контентті радио арқылы тарату бойынша ақпараттық жұмысты күшейту болып табылады.

"Қазақстан Республикасы Президенті Іс басқармасының "Қазақстан Республикасы Президентінің Телерадиокешені" шаруашылық жүргізу құқығындағы республикалық мемлекеттік кәсіпорнын медиа контентін өндіруден бастап әртүрлі арналар арқылы таратудың толық циклі бар кешенді медиа-компания етіп трансформациялауды аяқтау шеңберінде радио арнасын іске қосу қажеттілігі бар",- делінген ақпаратта.

Сондай-ақ, барлық медиа-ресурстарды жиынтықты пайдалану қамтылатын аудиторияны кеңейту есебінен мемлекеттік ақпарат саясатының тиімділігін арттыратындығы атап өтілді.

Құжат 20 ақпанға дейін жария талқылау үшін "Ашық НҚА" сайтында орналастырылған.