2025 жылғы 11 ақпан сағат 19:00–да ауа райының нашарлауына байланысты республикалық маңызы бар автожолдың 2 учаскесінде жол жабылады.

Бұл туралы «ҚазАвтоЖол» ҰК баспасөз қызметі мәлім етті.

Сағат 19:00–ден бастап келесі республикалық автожолдарда көліктердің барлық түрінің қозғалысына шектеу қойылады.

Абай облысы:

— «Алматы-Талдықорған-Өскемен-Шемонаиха-РФ шекарасы» автожолының 971-1013 шақырым аралығындағы учаскесінде (Қалбатау ауылынан ШҚО шекарасына дейін).

Шығыс Қазақстан облысы:

— «Алматы-Талдықорған-Өскемен-Шемонаиха-РФ шекарасы» автожолының 1013-1048 шақырым аралығындағы учаскесі (Абай облысының шекарасынан Ұлан ауылына дейін).

Жолды 2025 жылғы 12 ақпан сағат 07:00–де ашу жоспарланған.