Ереже білмеген жүргізушінің кесірінен төрт адам зардап шекті.  Алматының қақ ортасында БМВ тізгіндеген әйел жантүршігерлік апатқа себепкер болды. Жаяу жүргіншілер жолағымен қаннен-қаперсіз өтіп бара жатқан адамдар көліктің астында қалған.

Басты көшемен келе жатқан көлікке жол бермей, жүйткіп келе жатқан Lexus-қа барып ұрылады. Қатты соққыдан ақ кроссовер алдымен жол белгісін бұзып өтіп, іле-шала жаяу жүргіншілерді қағады. Көлік қаққан үш адам ауруханаға жеткізілді. Жол апатынан Lexus тізгініндегі ер адам да зардап шеккен. Жол апатының мән-жайын полицейлер анықтап жатыр.

Салтанат Әзірбек, Алматы ПД ресми өкілі:

- Уәлиханов пен Сәтбаев көшелерінің қиылында BMW және Lexus маркалы автокөлік соқтығысып, нәтижесінде Lexus екпінімен жол белгісін, сонымен қатар жүргіншілерді қағып кеткен. Жарақат алған жүргіншілер ауруханаға жеткізілді. Медеу ауданы полиция басқармасының қызметкерлері тергеу жүргізіп жатыр.