Бір жылда 800-дей автокөлікті шетелден әкелген. Ел аумағына шетелден тасымалданатын темір тұлпарларға қатысты жаңа ережені түсіндірген өнеркәсіп және құрылыс министрі осындай дерек келтірді. 

1 желтоқсаннан бастап Қазақстанда көлік әкелу ережелері өзгертілді. Щығарылғанына үш жыл болған көлікті шетелден тек заңды тұлға тасымалдай алады. Ал жеке тұлғалар мұндай санаттағы көліктің тек біреуін өз атына жазуға құқығы бар. Оған қоса, салығы да өскен. Бұрын көлік құнының 27 пайызы алынса, 1 желтоқсаннан бастап ол алым 48 пайызға өсіпті.

Көліктердің келіп-кетімін тіркейтін электронды жүйеге сәйкес, бір жыл ішінде екі немесе одан да көп көлік айдап әкелуге тосқауыл қойылды. Қаржы министрлігінің бұйрығына сай, бірнеше көлік әкелу кәсіпкерлік қызмет болып есептеледі. Сондықтан машина сатып табыс табамын дегендер міндетті түрде компаниясын тіркеуден өткізіп, салық төлеуден жалтармауға тиіс.

Қанат Шарлапаев, ҚР Өнеркәсіп және құрылыс министрі:

— Ең алдымен, заңсыз, незісіз бизнеспен айналысуды шектейміз. Шынын айтқанда, бір адам тоғыз айдың шеңберінде Қазақстанға 793 көлік алып келе жатыр. Жеке пайдалануға алып келмейтіні белгілі.